Grupet e financuara nga Soros padisin Trump për vizitorët në Shtëpinë e Bardhë

0
242

*Nga Aaron Klein

Tre grupe të ashtuquajtur monitorues të qeverisë do të mblidhen bashkë për të paditur Departamentin e Sigurisë së Brendshme që të publikojë regjistrin e vizitave në Shtëpinë e Bardhë dhe në rezidencat e Presidentit Trump në New York e Florida.

I paraportuar në lajmet për padinë është fakti që dy nga tri organizatat janë të financuara direkt nga Open Society Foundations e miliarderit George Soros, ndërsa grupi i tretë është projekt i një fondi që bashkë me Sorosin ka financuar grupe majtistë.

Politico, e cila raportoi e para për padinë, dokumenton:

“Padia, e cila do të regjistrohet të hënën në gjykatën federale në New York, pretendon se Shpërbimi Sekret ka dhunuar Aktin për Lirinë e Informacionit, duke mos iu përgjigjur kërkesave për detaje mbi vizitorët në Shtëpinë e Bardhë dhe vendet e tjera ku Trump kalon kohën që nga marrja e detyrës.

… Duke e bërë padinë në New York dhe jo në Washington, ku bëhen shumica e padive për shkelje të Aktit për Lirinë e Informacionit, kallëzuesit mund të jenë duke u përpjekut të shmangin pushimin e çështjes nga një precedent ligjor kyç që kufizon shumë të drejtën e publikut për të parë regjistrin e vizitorëve në kompleksin e Shtëpisë së Bardhë”.

Tre organizatat e padisë janë National Security Archive, Knight First Amendment Institute në Columbia University dhe Citizens for Responsibility and Ethics in Government (CREW), për të cilën Politico shënon se është përfshirë në çështje ligjore për regjistrimet qeveritare edhe në kohën e Presidentit Bush.

National Security Archive dokumenton në seksionin “financues e përkrahës” në sitin e saj në internet se financohet nga Open Society e Open Society Institute i Sorosit, si dhe nga fondi Open Society Fund, Inc.

CREW, grupi i dytë që është pjesë e padisë, e përshkruan vetën si organizatë që përdor “aksione legjore me ndikim të madh që kanë si objektiv zyrtarë të qeverisë që sakrifikojnë të mirën e përbashkët për interesa të veçantë”.

CREW, i cili nuk e publikon listën e donatorëve, ka marrë financime nga Open Society Foundations i Sorosit. Sipas Discover the Networks, CREW ka marrë fonde edhe nga Tides Foundation i financuar nga Soros.

Në gusht 2014, aleati kohëgjatë i Hillary Clinton, David Brock, themelues i grupit progresist Media Matters for America, i financuar fuqishëm nga Soros, u zgjodh kryetar i bordit të CREW.

Brock u largua nga organizata dhjetorin e kaluar, por Politico raportoi në janar se CREW është pjesë e një rrjeti grupesh për të cilët aktivistët po përpiqen të mbledhin 40 milionë dollarë për të hedhur Trump në gjyq.

Po në janar, CREW bëri një padi civile me pretendimin se Trump po shkel klauzolën kushtetuese që ndalon zyrtarët e qeverisë të pranojnë dhurata nga vendet e tjera.

Organizata e tretë që merr pjesë në padi është Knight First Amendment Institute në Columbia University.  Instituti, me një investim 60 milionë dollarë, u hap vitin e kaluar nga John S. and James L. Knight Foundation së bashku me Columbia University. Projekte të panumër të Knight Foundation financohen gjithashtu nga Soros. Knight Center for Journalism in the Americas në Universitetin e Teksait, në Austin, për shembull, ka marrë një grant 270 mijë dollarë nga Open Society Foundations. Knight Foundation dhe Open Society bashkë financojnë projektin e gazetarisë ProPublica. Dy bamirësitë janë sponsorë themelues edhe të fushatës New Americans, e cila kërkon “të ndihmojë në modernizimin e asistencës së natyralizimit në SHBA dhe të ndihmojë sa më shumë emigrantë të ligjshëm të përhershëm që të bëhen shtetas amerikanë”.

Që kur Trump mori detyrën, grupet e financuar nga Soros kanë udhëhequr përpjekjet të vazhdueshme për të ndaluar arritjen e objektivave të politikës së ndjekur nga Presidenti i SHBA.

Nesër koalicioni i grupeve aktiviste planifikon të zhvillojë një marshim masiv në Washington dhe të paktën 60 vende të tjera për publikimin e taksave të Trumpit. Edhe në këtë rast është lënë pa u përmendur nga ana e medias se shumica e organizatorëve dhe përkrahësve financohen hapur nga Soros ose kanë lidhje me financimet e tij.

Një nga organizatorët e marshimit është Indivisible Project, i themeluar kohët e fundit, i cili ka ndihmuar në drejtimin e aktivizmit anti-Trump në të gjithë Amerikën. Breitbart News ka bërë të ditur në mënyrë të detajuar se liderët e Indivisible janë të lidhur hapur me grupet e financuar nga Soros.

Soros thuhet se ka lidhje edhe me më tepër se 50 “partnerë” të marshimit anti-Trump të grave që u zhvillua të nesërmen e inaugurimit të Trumpit. Autori i këtij shkrimi ka raportuar i pari  për lidhjet e ngushta të liderëve të marshimit me Sorosin.

Në shkurt, Breitbart News raportoi se një grup i financuar nga Soros shpërndau trakte me pika diskutimi kundër Trumpit që qytetarët do t’i përdorinin në takime me zgjedhësit.

Teksti bënte sugjerime konkrete për akuzimin e administratës së Trumpit për “ksenofobi, racizëm dhe islamofobi”. Ai ngarkonte me detyrë aktivistët që të përdornin këto terma për të dënuar me forcë axhendën e presidentit për sigurinë e kufijve dhe emigracionin dhe të përkrahte legjislacionin kundër saj.

Në janr, avokatët e emigracionit nga grupet e financuar nga Soros, mborjtës i politikës për kufij të hapur, nënshkruan padinë që bllokoi me sukses urdhërin ekzekutiv origjinal të Trumpit që ndalonte vizat për 90 ditë për shtetasit nga Siria, Somalia, Sudani, Libia, Jemeni, Irani dhe Iraku.

 

Web Agency, Digital Agency, Web Development Agency

LEAVE A REPLY

Please enter your comment!
Please enter your name here