EMRI/ Atentat në Vlorë, 40-vjeçari ekzekutohet me 15 plumba brenda në makinë
Një ngjarje e rëndë ka ndodhur në lagjen “Pavarësia” të qytetit të Vlorës ku një person ka mbetur i vdekur pas një atentati me armë. Viktima është Elidon Mehmeti i cili është dërguar në spital por ka ndërruar jetë. Viktima Elidon Mehmeti, 40 vjeç po udhëtonte me makinë kur u godit me breshëri plumbash me armën e tipit kallashnikov. Elidon Mehmeti po udhëtonte me makinë tip ‘Ford’, me targa AA709HM. Sipas të dhënave paraprake janë goditur mbi 15 plumba në derën e makinës së shoferit. Dyshohet se Elidon Mehmetit i është bërë pritë nga ku është goditur me breshëri kallashnikovi. Ngjarja dyshohet të ketë ndodhur për shkak të një sherri në lokal. Policia ka mbërritur në vendngjarje për të vijuar hetimet.