Vetëm një ditë pas ekzekutimit të ish-kryepolicit Artan Cuku në hyrje të pallatit ku banonte në rrugën e “Kosovarëve” në Tiranë është rindërtuar skena e krimit.
Gazetari investigativ Artan Hoxha rindërton të gjithë skemën e krimit ku sipas tij vrasësi është një dhe ka vepruar i vetëm për të finalizuar aktin makabër që kishte marrë përsipër.
I ftuar në rubrikën “Opinion” në studion e lajmeve në News 24, gazetari Hoxha thotë se një person i dyshimtë është parë nga bashkëshortja e Cukut në hyrje të pallatit, madje ajo ka folur më të.
“Duke u kthyer në banesë ajo ka parë një person në sheshpushimin e pallatit. Ka qenë një person me kapele, i ka folur dhe i ka thënë se çfarë bënte aty”,- thotë Hoxha, shkruan BW.
“Duke u kthyer në banesë ajo ka parë një person në sheshpushimin e pallatit. Ka qenë një person me kapele, i ka folur dhe i ka thënë se çfarë bënte aty”,- thotë Hoxha.
Po sipas tij, ky person me kapele është edhe ekzekutori i vetëm, personi që ka qëlluar mbi Cukun në momentin që hynte në ashensor.
