Një video shokuese po bën xhiron nëpër rrjetet sociale. Një punonjës i një spitali privat është filmuar duke i thyer këmbën një foshnje vetëm 3-ditëshe.
Foshnja ishte shtruar në një spital në Indi vetëm tre ditë pasi kishte lindur, pasi kishte shfaqur probleme me frymëmarrjen.
Pamjet e filmuara nga kamerat e sigurisë tregojnë stafin e spitalit duke u relaksuar në dhomën ku fëmija po mbahej nën mbikëqyrje.
Në një moment fëmija fillon të qajë dhe një punonjës i spitalit çohet dhe shkon tek ai. Infermieri fillon t’i ndërrojë pelenën dhe e tërheqë fort për këmbe.
Pasi i bënë një kontroll, mjekët zbuluan se fëmija kishte pësuar frakturë në këmbë.
“Foshnja ime është torturuar gjatë gjithë natës nga infermieri, i cili i ka thyer edhe këmbën”, tregon i ati i foshnjës për mediat indiane.
Policia ka arrestuar menjëherë infermierin.
