Një pasagjer u përplas për vdekje nga një tren i lëvizjes së shpejtë pasi ngeci në shina. Djali, rreth të 30-ave, po priste trenin, por rrëshqiti dhe ngeci në platformën ku kalon ai dhe nuk ia arriti të ngrihej në kohë.
Incidenti i tmerrshëm ndodhi në stacionin hekurudhor Nanjing në provincën Jiangsu në Kinë, dhe u filmua nga një kalimtar i shokuar. Megjithatë media angleze The Sun nuk e publikoi video për shkak se pamjet ishin tepër të rënda.
Pavarësisht se u përplas fuqishëm nga treni, sipas dëshmitarëve okularë, viktima ishte ende gjallë, madje në një moment u përpoq përsëri të dilte nga zgavra ku përfundoi, por nuk ja doli dot të jetonte. Forcat emergjente dhe zjarrfikësit u përpoqën ta lironin sa më shpejt por edhe pse bënë çdo gjë që ishte e mundur, nuk mundën ta shpëtonin.
