Kandidimi i Silvana Dajës për postin e liruar nga Elvis Rroshi në Bashkinë e Kavajës, që është dhe bashkëshortja e kryesocialistit të Kavajës Gentian Daja, që u detyrua të dorëhiqej nga posti për tia lënë ish-kryebashkiakut për Partinë Demokratike është thjesht një riciklim që Partia Socialiste dhe Edi Rama po i bëjnë të gjithë njerëzve që preken nag ligji i dekriminalizimit.
Reagimi vjen nga kreu i PD-së në Kavajë Isa Sakja se pikërisht mbrojtja dhe promovimi që Rama po i bën personave me të shkuar kriminale është arsyeja se pse opozita nuk hyn në zgjedhje me Edi Ramën Kryeministër, dhe siç thotë ai, është arsyeja se pse PD është e vendosur ti shkojë deri në fund luftës me krimin në krye të pushtetit.
Reagimi i kreut të PD-së në Kavajë
Te dashur miq, favoritja kryesore per kandidate per postin e kryetares se bashkise eshte bashkeshortja e kryetarit te PS, Gentian Daja. Ky i fundit njoftoi doreheqjen nga posti i detyruar nga partia. E dini pse? Se Ervin Rroshi do te behet kryetar i PS per Kavajen. Sa shemtuar e lexon ligjin e dekriminalizimit Partia Socialiste?!! Ja pse Partia Demokratike nuk do te marre pjese ne zgjedhje. Me Edi Ramen nuk ka zgjedhje te lira e te ndershme! Sic riciklon keta, riciklon cdo figure tjeter te prekur nga ligji per dekriminalizimin! Ne nuk behemi figurina te shpetimit te imazhit te pseudodemokracise! Ne luftojme per standarde! Ne nuk ndalemi!