Pas akuzave të ardhura në adresë të tij nga kryeministri Rama, batutave ironike dhe gjuhës së ashpër, edhe deputeti Ben Blushi ka ngritur tonet. Nga foltorja e Kuvendit, Blushi i është drejtuar kryeministrit Rama me një sërë pyetjesh, duke vënë theksin nëse janë gati të tregojnë “të fshehtat” që i dinë veç ata.
Blushi është ndalur edhe tek koha kur kryeministri Rama kërkonte të bëhej kryeministër.
“Pashë një kryeministër të degraduar, dhe një mik akoma me kaq. Mendoni se do ju mbrojë ky, një njeri që mat kur zgjohem e kur fle. Unë fola për një krizë, fola për të vërteta. Fola për kanabis, se Shipëria është bllokuar, se Shqipëria nuk po ecën përpara. Po këto kanë ndodhur se unë ika nga PS? A me keni parë mua të rri me ndonjë bandit? Po ama ka njerëz që me thonë se kam qenë shoku i Ramës, po është e vërtetë. Të pyes Gramozin si është bërë Rama kryeministër. Na qante te shpia.
Unë nuk jam nga ata që flas këtu për personale. Por do flas për përgjegjësi e gjërave këtu. Kush është përgjegjës për varfërinë e shqiptarëve. Ky është banalizimi i këtij Parlamenti. Erdhe këtu e mu sule mua. A ka ardhur koha të tregojë ne të dy se ç ‘bëje ti me Fatosin?
