Padyshim që këto dy hajdutë menduan se do e kishin të lehtë kur hynë të maskuar e me hanxharë në dorë në një dyqan gazetash ku po qëndronte një gjyshe.
Por për fatin e keq të tyre, 56 vjeçarja guximtare, Hamalata Patel, i ndoqi grabitësit me një karrige çeliku derisa ata u larguan nga ndërtesa.
Incidenti ndodhi në dyqanin K&L Newsagents në Cheshire, Angli paraditen e së premtes, më 21 tetor.
Gjyshja tha se e kuptoi çfarë po përpiqeshin të bënin dy djemtë kur njëri prej tyre përplasi thikën e mprehtë mbi banak.
“Dyqani ishte bosh kur ata hynë. Unë kam një karrige që e lëmë për klientët e moshuar kështu që e mora dhe i ndoqa ndërkohë që i bërtisja “Po vij për ju”. Ata ia mbathen me vrap dhe bashkëshorti im, i cili ishte mbrapa dyqanit, erdhi dhe pa nëse isha mirë. Të gjithë njerëzit në zonë e di që i ndihmoj njerëzit dhe kujdesem për ta, por mos u merrni me mua,” u shpreh për Daily Mail Hamalata
Pas publikimit të videos nga kamerat e sigurimit, dy adoleshentët, përkatësisht 16 dhe 14 vjeç u arrestuan por u liruan pas garancisë.
https://www.youtube.com/watch?v=XfXlmGhPDVY