Një aksident ka ndodhur sot në bulevardin “Dëshmorët e Kombit”, përballë Pallatit të Kongreseve.
Automjeti ka përplasur një grua, e cila ka marrë plagë të rënda dhe ka pasur hemoragji të theksuar.
Lapsi.al sjell video nga kjo ngjarje, ndërsa mëson se autoambulanca ka vonuar për më shume se 15 minuta. E sikur të mos mjaftonte kjo, gruaja e aksidentuar është marrë pa barrelë dhe është hedhur direkt në autoambulancë, a thua se nuk ishte njeri.
Një ngjarje e tillë është një tjetër dëshmi që tregon se sa lehtë mund të vdesësh në Shqipëri, pasi autoambulanca nuk vjen kurrë në kohë, por edhe kur vjen trajtimi në disa raste është tejet çnjerëzor.
