Të jesh i lumtur duket si gjëja më e thjeshtë në botë, por në praktikë është tejet e vështirë. Të qenit të lumtur është një sfidë shumë e vështirë për secilin prej nesh, prandaj, nëse do të ndiqni këto gjashtë këshilla, do të ndiheni shumë të lumtur dhe në harmoni me veten.
Qeshni kot
Edhe nëse nuk ndiheni shumë të lumtur do të bënit mirë të qeshnit. E qeshura çliron hormone lumturie.
Ushtrohuni për pak minuta
Është vërtetuar tashmë se aktiviteti fizik ju bën jo vetëm mirë për trupin tuaj, por në të njëjtën kohë edhe të ndiheni më mirë. Prandaj mos hiqni dorë kurrë nga palestra.
Merrni ajër të pastër
Jo vetëm palestra por edhe aktiviteti fizik në natyrë ju bën të ndiheni mirë, pasi natyra është tejet çlodhëse sidomos pas një dite të ngarkuar.
Gjeni pesë njerëz që ju bëjnë të lumtur
Njerëzit që ju rrethojnë ndikojnë drejtpërdrejt në lumturinë tuaj, prandaj zgjidhni pesë njerëz që ju bëjnë të lumtur dhe jeta juaj do të jetë më e bukur.
Përmirësoni veten
Ndihmoni më shpesh njerëzit në nevojë dhe mos prisni asgjë në kthim. Kjo do t’ju bëjë të ndiheni mjaft mirë.
Udhëtoni më shpesh
Në vend që të blini një palë këpucë të reja, do bënit mirë të udhëtonit më shpesh. Udhëtimet janë shumë të domosdoshme në jetën tonë.