Inaugurimi i Pazarit të Ri, që përkoi me Ditën e Verës ka vënë pak në siklet kryeministrin e vendit, i cili është përballur me refuzimin e një vogëlusheje.
Në ceremoninë e përgatitur, ku të ftuara ishin edhe mediat, ishte parashikuar që në momentin që hynte nën shoqërinë e kryebashkiakut Erion Veliaj, kryeministrit t’i vendosej një verore, dhe kjo detyrë me sa duket i ishte besuar një vajze të vogël.
Me të hyrë, dëgjohet kryetari i Bashkisë, Veliaj teksa i thotë me ëmbëlsi: ‘Do na japësh një verore për xhaxhi Edin?”
Vajza shtrembërohet dhe duket se nuk do ta kryejë detyrën, ndërsa e ëma i lutet që t’i vërë një verore kryeministrit. Por as pas kësaj e vogla nuk pranon. Kryeministri zgjedh të buzëqeshë para kësaj situate dhe përkëdhel vajzën e vogël duke thënë: “Lëre, lëre, se i kanë thënë…”
Më pas një tjetër person është kujdesur që i pari i qeverisë të mos mbetet pa verore.
https://www.youtube.com/watch?v=py2yH24m26U
