Ish-sulmuesi i Manchester United Memphis Depay ka shënuar një gol të pabesueshëm nga mesi i fushës në fitoren 4:0 të Lyon ndaj Toulouse të dielën. Holandezi la “Old Trafford” për Ligue 1 në janar në një marrëveshje rreth 18 milionë euro dhe ai ka arritur të impresionojë në javët e para me fanellën e re. Sulmuesi merr topin në mesin e fushës dhe godet në mënyrë të jashtëzakonshme duke mundur portierin e habitur të Toulouse, i cili kishte dalë nga pozicioni i tij.
