Dy persona kanë mbetur të plagosur me thikë pas një sherri mes të rinjve. Ngjarja ka ndodhur rreth orës 14:20, në rrugën “Murat Toptani” në kryeqytet.
Policia thotë se ka patur një konflikt midis disa shtetasve, ku si pasojë kanë mbetur të plagosur me mjete prerëse, thikë, shtetasit A. S 24 vjeç dhe E. E 24 vjeç, të cilët ndodhen në SQU, jashtë rrezikut për jetën.
Grupi hetimor po punon për identifikimin e shtetasve të përfshirë në konflikt dhe sqarimin e plotë të rrethanave të kësaj ngjarje.