Këngëtarja e hitit ‘Të ka lali shpirt’, Silva Gunbardhi u shpreh para disa ditësh gjatë një interviste se ishte e varfër dhe mezi ka siguruar paratë për një ndërhyrje kirurgjikale. Silva tha se pas lindjes së djalit ajo punon me orar të reduktuar dhe bashkëshorti i saj është akoma student.
“S’është aspak e vërtetë që jam e pasur dhe këtë e tregon fakti që kisha 10 vite që mbaja lente në sy dhe për shtatë vite asnjë vizitë nuk kisha bërë e jo më operacion. Nëse do shihnit dërgesat e mia mujore në bankë, nuk do u besoni syve. Po të isha e pasur do të bëja pushime. Shikojeni faqen time të Facebook, ku dal në foto vetëm për punë. Do të vishesha ndryshe. Do të ndihmoja njerëzit e afërt etj”- është shprehur këngëtarja.
Por duket se bashkëshorti i saj, Dafi e ka nxjerrë bllof, pasi ka publikuar një foto në Instagram ku tregon një realitet krejt tjetër. Në foto duken tufa të mëdha me euro, çelësa makinash dhe disa telefona.