Policia e Shtetit ka sekuestruar 31 kg drogë në dy operacione të ndryshme në Fier dhe në Kukës dhe ka arrestuar 5 persona.
Policia e Fierit ka vënë në pranga një 40-vjeçar pasi i janë gjetur 8 kg drogë në banesë. Sipas të dhënave zyrtare është finalizuar operacioni i koduar “Mbrostari”, ku si rezultat i të cilit u arrestua në flagrancë 40-vjeçari Alket Merka, banues në fshatin Mbrostar Ura, Fier.
Në banesën e tij në Mbrostar Ura, u gjetën 8 kg lëndë narkotike e dyshuar Cannabis Sativa.
Ndërkaq në Kukës, specialistët për Narkotikët, në Drejtorinë Vendore të Policisë, finalizuan me sukses operacionin anti-drogë të koduar “Prita”, ku u bë arrestimi në flagrancë i 4 shtetasve:
1- Arbresh Kalia, 31 vjeç banues në fshatin Gurë, Dibër.
2- Rexhep Likdeda, 39 vjeç, banues në Rrushkull, Durrës.
3- Partizan Elezaj, 45 vjeç, banues në Zall-Reç, Dibër.
4- K.E., 16 vjeç, banues në Zall-Reç, Dibër.
Arrestimi i këtyre shtetasve u bë pasi, në fshatin Bicaj- Kukës, janë kapur në flagrancë me një sasi rreth 23 kg lëndë narkotike, të cilën po e transportonin në mjetin tip “Fugon”, me targa TR 2797 T. Materialet hetimore për të dyja rastet iu referuan Prokurorisë.