Standard.al

Shembet pallati mbi 20 katësh tek “Shkëmbi i Kavajës”, banorët në panik

0

Shemben katër katet e një pallati 20-katësh tek ‘Shkëmbi i Kavajës’. Mësohet se shembja ka nisur mesditën e sotme, ndërsa bëhet fjalë për një pallat të ndërtuar në vijën e parë të bregut të detit.

Banorët që kanë parë këtë ngjarje të rëndë që mund t’ju kishte rrezikuar jetën bëjnë me dije se ky pallat i përket biznesmenit të njohur  Enver Shala, i cili ka në bregdetin e Durrësit edhe një pallat tjetër 30-katësh.

Punëtorët fatmirësisht kanë shpëtuar, të paktën këto janë të dhënat e para nga vendi i ngjarjes, dëshmitarët që kanë qenë atje bëjnë me dije se policia ka rrethuar zonën.

“Shembet pallati te Prroni i Agait në Durrës. Pallati 23 katësh i Enver Shalës në afërsi të Shkëmbit të Kavajës është shembur për shkak të punimeve të dobëta. Tre katet e fundit janë shembur, ky është pallati i famshëm që gjendet në rërë në breg të detit, 18 kate janë me banorë”, shprehet një banor.

Ndërkaq nga të dhënat e para, policia bën me dije për JOQ se janë shembur tre katet e fundit dhe nuk ka të lënduar, ndërkaq po vijojnë hetimet.

Leave A Reply

Your email address will not be published.

This site uses Akismet to reduce spam. Learn how your comment data is processed.