EKSKLUZIVE/ Zbulohet raporti i KLSH: ALBPETROL, dëm 15 miliardë lekë Buxhetit të Shtetit

0
232

Albpetrol i ka kushtuar një dëm prej 15 miliardë lekë buxhetit të shtetit. Ky është përfundimi i raportit të zbardhur të KLSH nga “standard.al” për auditimin e ushtruar në Albpetrol nga datat 01.07.2015 deri 30.09.2016.  Nga auditimi i KLSH ka rezultuar se Albpetrol SHA ka shkaktuar një dëm total ekonomik në vlerën 15,108,418 mijë lekë dhe një efekt financiar negativ në vlerën 3,010,832 mijë lekë.

Përkatësisht sic raporton standard.al dëmi ekonomik ka qenë: Në zbatimin e kontratave të marrëveshjeve hidrokarbure me vlerë 14,956,009 mijë lekë, nga të cilat:

-Detyrime të kontraktorëve për naftën brut pjesë e Albpetrol nga ndarja e prodhimit me vlerë 6,706,916 mijë lekë;

-Diferenca të prodhimit të naftës brut rezultuar nga testimi i prodhimit të puseve me vlerë 4,245,693 mijë lekë.

– Shpenzime të përfshira në kostot hidrokarbure në kundërshtim me përcaktimet e marrëveshjeve hidrokarbure, me vlerë 2,780,252 mijë lekë.

-Diferencë transporti me çmime shumë më të larta se tregu me vlerë 796,043 mijë lekë.

-Diferencë e krijuar nga vlera shitjes në ankande të naftës brut pjesë e Albpetrol nga detyrimet e kontraktorëve, krahasuar me çmimin e naftës brut në momentin e krijimit të detyrimeve, me vlerë 427,105 mijë lekë.

– Në fushë e pagave dhe shpërblimeve me vlerë 89,576 mijë lekë

-Në fushën e prokurimeve dhe zbatimin e kontratave me vlerë 60,157 mijë lekë.

-Firo transporti me vlerë 2,676 mijë lekë.

 

Ndërkohë sa i përket efektit finaciar rezulton se  Diferencë e detyrimeve të shoqërisë në divident nga mos pasqyrimi i saktë i rezultatit financiar të shoqërisë me vlerë 1,788,727 mijë lekë.

-Kamatëvonesa të likuiduara për mosshlyerjen në kohë të energjisë elektrike me vlerë 564,402 mijë lekë.

-Detyrime të krijuara nga shoqëria për furnitorët me vlerë 644,031 mijë lekë.

-Pagesa për shpërblime grupe pune me vlerë 11,496 mijë lekë.

-Në zbatimin e procedurave të prokurimit me vlerë 2,176 mijë lekë/ standard.al

 

*Lajmin e plotë me të gjitha shifrat e abuzimit të Albpetrol do ta gjeni nesër në Standard print

 

Web Agency, Digital Agency, Web Development Agency

LEAVE A REPLY

Please enter your comment!
Please enter your name here