Një aksident i rëndë ka ndodhur mesditën e sotme në qytetin e Vlorës. Një makinë betoniere ka përplasur një qytetar që po udhëtonte me biçikletë, duke i shkaktuar vdekjen e menjëhershme. Përplasja ka qenë shumë e rëndë pasi betoniera ka shtypur kokën e viktimës, e cila ka qëndruar për minuta të tëra e hapur në mes të rrugës.
Qytetarët janë trembur nga kjo pamje, ndërsa një qytetar që ka parë aksidentin bën me dije se asnjë çarçaf nuk i hodhën viktimës, duke terrorizuar njerëzit me pamjet e rënda.
“Asnjë çarçaf për ta mbuluar, 30 minuta në rrugë, pataksen kalimtarët. Shamë infermierin, i hoqëm përparësen që ta mbulonim. Po bënin spektatorin, pasi viktima ishte pa kokë, s’bënin dot gjë, po të paktën 5 makina policie, 2 ambulanca një çarçaf duhet ta kishin. Është vend me shumë lëvizje, anash Universitetit të Vlorës, u lemerisën njerëzit, e shtypi betoniera e lungobaltës. Viktima u shtyp midis vijave të bardha dhe daljes nga rrethi sa merret kthesa për të dalë nga rotonda. Por si mund të lihet një njeri pa kokë në mes të rrugës”.