Infarkti/10 sinjalet që dërgon trupi një muaj para

0
417
ID:126981200

Infarkti i miokardit, i quajtur ndryshe edhe atak kardiak, mund të jetë fatal. Ndodh më së shumti kur njerëzit i ngatërrojnë shenjat e tij me sëmundje më pak të rënda, si: mostretja, marrje mendsh apo lodhje e pashpjegueshme dhe për këtë arsye vonojnë vajtjen në spital. Për të ulur vdekshmërinë e këtyre rasteve është thelbësore që pacienti apo të afërmit të njohin sa më mirë shenjat që paraprijnë një infarkt, në mënyrë që ta parandalojnë dhe ta mbajnë nën kontroll atë.

Këto 10 sinjale mund të jenë këmbana alarmi për një infarkt të pashmangshëm:

Frymëmarrje e pakët 

Pakësimi i fluksit të gjakut përfshin edhe mushkëritë, duke shkaktuar frymëmarrje të vështirësuar. Shpesh mund të shoqërohet edhe me dhimbje të kraharorit.

Marrje mendsh dhe djersitje 

Ataket kardiake provokojnë marrje mendsh ose humbje të vetëdijes. Mund të krijojnë anomali të rrezikshme, si për shembull aritmi. Shfaqja e papritur e djersëve të ftohta, me shumë gjasa është shenjë e një ataku në zemër.

Lodhje 

Ndjesia e vazhdueshme e lodhjes dhe mundimit, që nuk ju lejon të bëni aktivitetet e zakonshme, mund të fshehë një pamjaftueshmëri kardiake.

Dhimbje të forta  

Shenja më e dukshme e një ataku në zemër është dhimbja e fortë në kraharor, e cila mund të përhapet edhe në pjesë të tjera të trupit si: në shpinë, shpatulla, qafë dhe krahë.

Fryrje 

Pamjaftueshmëria kardiake mund të shkaktojë grumbullimin e lëngjeve në trup. Kjo gjë sjell fryrje, sidomos në këmbë, kofshë ose në bark. Gjithashtu, mund të provokojë edhe shtim në peshë dhe ndonjëherë edhe mungesë oreksi.

Këputje dhe lodhje e pashpjegueshme 

 Në ditët që paraprijnë atakun në zemër, mund të ndodhë që të ndiheni aq të lodhur e të këputur, sa të mos keni forcën as për të bërë aktivitetet më të thjeshta.

Rrahje zemre të parregullta 

Rrahjet e parregullta të zemrës, të cilat shpesh shoqërohen me shqetësime si: marrje mendsh, mungesë frymëmarrjeje apo debulese, mund të jenë lajmërim se do të kaloni një infarkt.

Probleme me tretjen 

Dhimbjet e stomakut dhe fryrja e barkut që lidhen me pamundësinë kardiake, mund të krijojnë probleme me tretjen.

Ndryshimi i humorit 

Ankthe të papritura dhe fobi të ekzagjeruara si: frika nga vdekja janë shenja që nuk duhen nënvlerësuar.

Kollë

 Kolla e vazhdueshme dhe që nuk pushon apo frymëmarrja e vështirësuar, mund të jenë shenja të pamundësisë kardiake, që shkaktohet nga grumbullimi i lëngjeve në mushkëri.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here