Kryeministri Edi Rama ka folur hapur në mbledhjen e kryesisë së Partisë Socialiste pas deklaratës së Ilir Metës se LSI do kalojë në opozitë kur PS të ketë 71 mandate. Gjatë mbledhjes, Rama u ka thënë anëtarëve të PS se LSI po bën një lojë taktike tashmë PS i ka votat për të fituar edhe pa Lëvizjen Socialiste për Integrim.
Sipas Edi Ramës, me votat e vitit 2013 dhe ndarjen aktuale të mandateve, “Partia Socialiste merr 69 deputetë po të jemi në koalicion me LSI, PDIU, FRD”.
Por sipas Edi Ramës, koalicioni merr 71 deputetë nëse LSI del veç, sepse e tillë është formula. Aleanca me LSI-në krijon një mazhorancë solide reformash, jo thjesht një mazhorancë numrash, dhe reformat e jo numrat janë arsyet e koalicionit me Metën, citohet të ketë thënë Edi Rama.