Vijon skandali i blerjes së vilës në kompleksin luksoz nga BE për ambasadoren Vlahutin.
Një tjetër denoncim dhe zbulim kontratë është edhe fakti se përpara se të bëhej blerja prej 1.6 milionë euro e vilës, Vlahutini duhej të paguante edhe 96 mijë euro qera për një vit, pra 8 mijë euro në muaj.
Avokati goxha shkruan në profilin e tij facebook dhe publikon dokumentacionin e kontratës së lidhur mes Flahutin dhe biznesmenit të kompleksit
Statusi i plotë:
Para se te blehej 1.6 milione euro vila e Vlahutinit duhet te paguheshin edhe 96 mije euro qera.
Eh c’vete c’vete! Para se Vlahutini te blente vilen 1.6 milione Euro beri kontrate qe 1 vit ta mbante me qera me 96 mije euro dhe pastaj ta blente me 1.6 milione euro.
Nuk mjaftojshin 1.6 milione euro por do paguheshin edhe 96 mije euro te tjera qera (8 mije euro ne muaj). Ma kapni pak si eshte caktuar cmimi prej 1.6 milione euro.
“Qiradhënësi këtu i jep Qiramarrësit të drejtën e parablerjes për të blerë pronën e lëshuar me qira dhe Qiradhënësi merr përsipër të mos e shesë pronën e lëshuar me qira gjatë periudhës së kësaj kontrate qiraje (përfshirë çdo afat rinovimi) pa ja ofruar në fillim Qiramarrësit për blerje, me çmimin maksimal prej 1649000 € (një milion e gjashtëqind e dyzet e nëntë mijë euro). Gjatë periudhës së kësaj kontrate qiradhënieje si dhe gjatë secilës zgjatje të saj, Qiramarrësi do të ketë të drejtën të blejë pronën e lëshuar me qira dhe Qiradhënësi merr përsipër dhe garanton t’i shesë pronën e lëshuar me qira Qiramarrësit me çmimin maksimal prej 1649000 € (një milion e gjashtëqind e dyzet e nëntë mijë euro). Kjo shumë mund të rishikohet vetëm në rastin e ndryshimit të Legjislacionit Tatimor të Shqipërisë.”
Arsyeja pse kjo histori është bërë aq mediatike dhe aq problem është se delegacioni i BE-së zakonisht nuk blen rezidenca banimi për ambasadorët, por i merr me qera ato. Një tjetër arsye është edhe sepse çmimi i blerjes së rezidencës në fjalë është shumë më i lartë se vlera e tregut në këtë zonë.
