Durrës/ “Babi më prekte në vende intime”, psikologja zbuloi se…

0
158

Dëshmia rrëqethëse e një 13-vjeçareje në policinë e Durrësit çoi në pranga babain e saj, 56-vjeçarin Qemal Lushi nga Kukësi, i cili prej një viti ngacmonte seksualisht të bijën, duke e prekur në pjesë të ndryshme të trupit.

Por, mësohet se sekretin e tmerrshëm të minorenes ka arritur ta zbardhë psikologia e shkollës, pasi gjatë mësimit 13¬vjeçarja kishte shfaqur shpesh shenja të humbjes së vëmendjes, trishtimit dhe fajit. Vajza ishte mbyllur në vetvete dhe vuante pasojat e një stresi që fillimisht nuk dihej se nga vinte.

E pyetur ngha psikologia, vajza ka bërë rrëfimin e tmerrshëm, ku tregoi për veprimet e turpshme të të atit, që e ngacmonte në pjesët intime si dhe ushtronte dhunë në familje.

Në dëshminë e zbardhur sot nga Panorama, vajza mësohet të këtë thënë se: “Ka rreth një vit që babai më ngacmon seksualisht. Në momentet që ndodhemi vetëm në shtëpi, ai tenton të më prekë në vende intime, duke kërkuar të kryejë marrëdhënie seksuale. Kam frikë të qëndroj vetëm me babain në shtëpi, pasi mendoj se sapo të gjejë mundësinë do të më përdhunojë. Më ka kërkuar të mos i tregoja askujt për veprimet e tij. Personave të tjerë të shtëpisë kisha turp t’u tregoja, prandaj fola hapur me psikologen e shkollës, e cila më ndihmoi të bëj denoncim në polici”, ka treguar vajza për hetuesit që po punojnë për zbardhjen e kësaj ngjarjeje të rëndë.

Nga ana tjetër, 56­-vjeçari ka hedhur poshtë akuzat e ngritura nga vajza e tij, duke i konsideruar sajesa të së bijës. Por kjo nuk është e vetmja akuzë që rëndon ndaj 56­ vjeçarit, pasi gjatë kontrollit të ushtruar në banesën e tij u gjet edhe një armë zjarri pistoletë, e modifikuar, si dhe 4 fishekë çifteje, të cilat i mbante pa leje.

Numri i akuzave ndaj babait që akuzohet për vepra të turpshme ndaj vajzës së tij është shtuar, pasi gjatë kontrollit në banesë policia ka zbuluar një armë zjarri pistoletë e modifikuar si dhe 4 fishekë çifteje, të cilat shtetasi Q. L i mbante pa leje.

Policia tha se Qemal Lushi do të përballet me drejtësinë tashmë për tri vepra penale, “vepra të turpshme”, “prodhim dhe mbajtja pa leje e armëve luftarake dhe municioneve” dhe “dhunë në familje”.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here