FRESSH 25 vjet – Rama autokritikë qeverisë: PS ka të meta, bën gabime

0
177

Forumi Rinor Eurosocialist i Shqipërisë FRESSH feston sot 25-vjetorin e krijimit të tij. Në kuadër të këtij përvjetori, në Pallatin e Kongreseve, është zhvilluar mesditën e sotme kongresi i FRESSH-it në të cilin merrnin pjesë përfaqësues të strukturave të forumit nga e gjithë Shqipëria.Në 25-vjetorin e themelimit të FRESSH, kryeministri Edi Rama apeloi për përfshirjen e sa më shumë qytetarëve në politikë. Ai tha se kjo organizatë rinore është pjesë e një transformimi të thellë dhe përmes kësaj force fitorja në 18 qershor do të jetë më e madhe se katër vite më parë.

“Ju nuk keni ardhur këtu të jeni figurantë dhe as të shikoni Tiranën, por si pjesë e një organizate mjaft të rëndësishme, prandaj keni një test të vështirë. FRESSH është në një transformim shumë të rëndësishëm, dhe nëse fitoni testin, pra të qëndroni këtu deri në fund të aktivitetit, dhe jo të mbetet në sallë vetëm gjysma e atyre që ishin në fillim (në rastin më të mirë), atëherë në 18 qershor do të fitojmë zgjedhjet shumë herë më me shumë vota se para katër viteve, pasi së bashku mund të shkojmë larg”, tha Rama.

Thirrja nuk mungoi edhe për ushtrimin e të të drejtës së votës për zgjedhjet e përgjithshme të qershorit, pasi siç tha Rama, qeveria e majtë është dëshmi për rëndësinë që ka vota.

“Shumë prej nesh shohin çdo ditë akuza të pavërteta, shohin përbaltje dhe shohin sfida të reja përballë nesh, por kjo është normale, pasi reformat prekin shumë interesa, por me Partinë Socialiste, arsimi është rritur dhe Pisa e vërteton këtë. Shumë thonë që vota nuk ndryshon asgjë, por gabojnë se ndryshon. Me Partinë Socialiste po bëhen të mundura gjëra që përpara nuk dukeshin të mundura. U bë reforma në arsim, për të cilën thuhej nuk bëhet, u shpërndan hipotekat për mijëra familje dhe këtë e bëri vota për Partinë Socialiste. Pasi nëse vota nuk do ishte për Partinë Socialiste nuk do ishin bërë mijëra legalizime, por vetëm 1 mijë apo 2 mijë, teksa do vijonte informaliteti. Vota pra, bëri që Shqipëria sot të pësojë rritje rrogash pa rritur borxhin dhe po njëlloj të kemi dhe rritje ekonomike, çka do të thotë nëse vota do të ishte për ata që rrënuan vendin për tetë vite, do të ishte shumë më i lartë borxhi, teksa 97% do të vuante lakun e taksës së sheshtë. Pra, nuk janë të gjithë njësoj, si nuk paska rëndësi nëse shkon apo jo në votime. Politika është një fuqi që mund të bëjë shumë mirë dhe për këtë duhet të votohet PS”, tha Rama.

Kryeministri Edi Rama në fjalën e tij gjatë 25-vjetorit e të Forumit Rinor Eurosocialist nuk la pa sulmuar kryetarin aktual të Partisë Demokratike, Lulzim Basha. Sipas Ramës, Basha vetëm fjeti në Bashki dhe nëse do të ishte sot në krye të Bashkisë do vijonte të flinte.

Në këtë, prizëm, Rama u tha të rinjve se edhe në këtë rast, vota është shumë e rëndësishme, pasi dy modelet janë të qarta, një model që sipas Ramës, fle dhe një tjetër që punon.

“Si mendoni do të ishte më mirë të kishim një kryetar Bashkie që fle gjithë ditën, apo një Kryetar Bashkie që nis punën dhe takimet që në 6 e 30 të mëngjesit, pra nuk janë të gjithë njësoj, njëri punon tjetri jo, njëri ka vizion tjetri jo”, tha Rama.

Ai tha se në këtë drejtim vota luan një rol shumë të rëndësishëm, pasi ajo përcakton fatin e çdo individi. “Vota nuk do të thotë asgjë, vota do të thotë të kesh më pak taksa, të kesh më shumë liri, të kesh arsim më profesional, të kesh më pak borxhe”, tha Rama. Sipas tij, “shumë të rinjve ju mohua qyteti dhe e drejta për të lëvizuar në qytet e për të gjetur hapësirat tuaja, ndërsa ne po ju kthejmë qytetin”, tha Rama.

25-VJETORI I KRJIMIT, FRESSH ZHVILLON SOT KONGRESIN
Kongresi ka si qëllim vlerësimin e kontribuesve ndër vite dhe shpalljen e objektivave të mëtejshme, ndërsa sipas burimeve për median pranë organizatorëve bëhet e ditur se janë ftuar të jenë pjesë e këtij aktiviteti të gjithë drejtuesit e FRESSH-it ndër vite: duke filluar nga Ilir Meta, Monika Kryemadhi, Pandeli Majko, Ilir Zela, Gjergji Koja, Elisa Spiropali, Megi Ajtyresa dhe Joleza Koka. Nuk dihet nëse Meta dhe Kryemadhi do të pranojnë apo jo ftesën e socialistëve, por fjalën kryesore në këtë takim do ta ketë kryetari i PS-së, Edi Rama.

Po ashtu do të ketë edhe dy fjalime të tjera nga përfaqësuesit e partisë, njëri prej tyre do të jetë ai i Pandeli Majkos. Fjalë do të ketë më pas kryetari i forumit, Eljo Hysko, e po ashtu anëtarët e tjerë të kryesisë. Një prej vendimeve të sotme të Kongresit të FRESSH-it do të jetë miratimi i statutit të forumit. Më në fund, pas 12 vjetësh pa dokument themeltar, forumi do të ketë një statut që i mungonte që prej vitit 2005.

“FRESSH MBUSH 25 VJEÇ! Çerek shekulli më parë, një grup të rinjsh themelojnë Forumin e Rinisë Eurosocialiste të Shqipërisë me misionin për të shkurtuar distancën mes Shqipërisë dhe konceptit europian të social-demokracisë. Mes gjithë figurave politike dhe personaliteteve që gjenezën e kanë pasur në FRESSH, ne gjendemi sot, 25 vite më pas, me barrën e rëndë të historisë së lavdishme mbi supe për të qenë në lartësinë e duhur. Për të rikujtuar historinë, për t’i hedhur një sy sukseseve të së shkuarës së afërt por mbi të gjitha për të prezantuar zgjidhjet tona ndaj sfidave të së ardhmes, ju ftojmë të gjithëve të mos humbisni #Kongresin_E_FRESSH ditën e Dielë më 15 janar, ora 11:00. @PallatiKongreseve. Mos e humb! Nëse je i ri, je FRESSH!”, thuhet në kartolinën e organizatorëve për të ftuarit e kongresit.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here