shkoi te fqinji për ta uruar për Vitin e Ri, abuzon me vajzën e mitur 13- vjeçare.
Ngjarja ka ndodhur dje, ku sipas Policisë, i dyshuari është I. Hoxha, 43 vjeç, banues në Patos. Ai u arrestua për kryerjen e veprave të turpshme me të mitura.
Dyshohet se ai ka shkuar në shtëpinë e fqinjit për vizitë me rastin e Vitit të Ri, por nuk i është përgjigjur njeri. Më pas e ka shtyrë vetë derën, ku brenda ndodhej vetëm vajza 13 vjeçe, e cila sapo ishte zgjuar nga gjumi.
E mitura e ka vënë në dijeni fqinjin se prindërit nuk gjendeshin në shtëpi, por Hoxha është ulur në divan, duke e sqaruar vajzën se kishte shkuar për t’i uruar.
Sipas dëshmisë së dhënë në Polici nga e mitura, ajo e ka qerasur 43- vjeçarin, por në këtë moment ai nisi të kryente veprime të turpshme ndaj saj.
Ai e ka prekur në pjesë intime të miturën dhe i ka treguar trupin e tij nëpërmjet kërcënimit.
E mitura ka rrëfyer në prani të prindërve se 43-vjeçari e kishte detyruar që t’i shihte pjesët intime. Më pas ai është larguar duke i kërkuar asaj të mos tregonte për atë që kishte ndodhur.
Prindërit e vajzës kishin shkuar për vizitë me rastin e festave tek një i afërm i tyre, por ata kanë shkuar menjëherë në banesë kur 13- vjeçarja, në gjendje të ngarkuar emocionale, u ka rrëfyer nëpërmjet telefonit atë që kishte ndodhur.
Ata i janë drejtuar menjëherë policisë dhe, pas kallëzimit të kryer, blutë arrestuan të dyshuarin për veprën penale “vepra të turpshme me të mitura”. Vetë i arrestuari nuk e ka pranuar akuzën. m.r.