Standard.al

Sindikata Ndërkombëtare e Futbollistëve Profesionistë, thirrje lojtarëve: “Mos shkoni në klubet serbe”

0

Sindikata Ndërkombëtare e Futbollistëve Profesionist, FIFPro, ka paralajmëruar të gjithë futbollistët që të shmangin transferimet te skuadrat serbe. Sipas tyre ky vendim duhet marrë pasi atje nuk rrespektohen rregullat dhe të drejtat e lojtarëve.

Kohët e fundit në Serbi janë hasur një sërë problemesh që klubet kanë patur me lojtarët, e më kryesorja është ngatërresa me kontratat e futbollistëve, ku nuk është rënë dakort për gjatësinë kohore dhe shifrat apo pagat që palët kanë firmosur ndërmjet tyre.

Lajmi është publikuar nga agjencia serbe e lajmeve “Tanjug”, ku shkruhet: “Kujdes, transferimi në ekipet serbe, i rrezikshëm. Arsyeja? Atje nuk respektohen rregullat dhe të drejtat e lojtarëve”.

Ky konkluzion ka dalë pas kërkimeve që janë bërë, ku rezulton, se 68 për qind e futbollistëve në Serbi nuk janë paguar me kohë. Po ashtu, 89 për qind e tyre kanë qenë të detyruar për transferimin, thuhet në njoftimin e bërë nga FIFPro.

Leave A Reply

Your email address will not be published.

This site uses Akismet to reduce spam. Learn how your comment data is processed.