Xhiroja ditore e një kazinoje nuk i ka mjaftuar, por pasi e ka grabitur është nisur drejt një tjetre. Protagonist i kësaj ngjarje është 47 – vjeçari Ilir Leli, i cili u arrestua nga policia e kryqytetit.
Rreth orëve të mbrëmjes të së premtes, i maskuar dhe i armatosur me pistoletë “TT”, Leli grabiti fillimisht një kazino tek “Zogu i Zi”, duke marrë rreth 800 mijë lekë të vjetra.
Më pas ai iu drejtua një tjetër kazinoje pranë prokurorisë, me qëllim për ta grabitur. Por këtë herë, 47 – vjeçari është kapur në flagrancë nga efektivët e policisë, të cilët ishin vënë në ndjekje të tij.
Në momentin e ndalimit, Leli mësohet se e kishte pistoletën me fishek në gojë/tvklan.al
