Ndryshimet e reja ligjore në Kodin Zgjedhor të Maqedonisë ia bëjnë të pamundur Gruevskit (VMRO-DPMNE) dhe Ali Ahmetit (BDI) krijimin e qeverisë me 61 deputetë. Mësohet se për të krijuar qeverinë do t’ju duhen 62 deputetë, pasi me ndryshimet e reja ligjore, Kuvendi numëron 123 deputetë, duke përfshirë 3 deputetët e diasporës.
Gjithçka u bë e ditur nga sekretari i Përgjithshëm i Unitetit, Muhamet Ismaili, por edhe anëtari i lartë i Besës, Zejd Rexhepi.
Nga ana tjetër, zëdhënësi i BDI-së, Bujar Osmani shprehet se i kanë numrat dhe se iu duhen vetëm 61 deputetë për të krijuar qeverinë. “Ne i kemi aq deputetë sa ka thënë KSHZ-ja, domethënë 10, dhe VMRO-ja 51, mund ta formojmë qeverinë me 61 deputetë”, tha ai.
