Komunikimi telefonik, shqiptarët 76% më pak se mesatarja e BE

0
337

 

 

Shpenzimi mesatar vjetor i shqiptarëve për komunikimin me celular është 76% më i ulët se mesatarja e Bashkimit Europian. Sipas llogaritjeve të Autoritetit të Komunikimeve Elektronike dhe Postare, tarifat e shërbimeve celulare kanë rënë me ritme të shpejta gjatë viteve të fundit, çka ju ka mundësuar shqiptarëve të paguajnë gjithnjë e më pak.

Sipas AKEP, në vitin 2015 e ardhura mesatare e operatorëve celularë shqiptarë nga një përdorues ishte 36.7 euro në vit. Për vendet e Bashkimit Europian, e ardhura mesatare vjetore e operatorëve është 156 euro në vit për çdo përdorues.

Shpenzimi mesatar në Shqipëri është 23% më i ulët krahasuar me vendin e fundit të BE për këtë tregues, që është Letonia, me 47 euro në vit. Sipas AKEP, ky tregues për Shqipërinë ka rënë me 40% që nga viti 2010, ndërsa në vendet e BE rënia e shpenzimeve në këtë hark kohor është 25%. Treguesi i të ardhurave mesatare të operatorëve për përdorues mat të ardhurat totale nga shërbimet me pakicë në raport me numrin total të përdoruesve. Rënia e shpejtë e këtij treguesi është efekt i konkurrencës në rritje, por, edhe i ndërhyrjeve gjithnjë e më aktive të autoriteteti rregullator, që në vitet e fundit ka ulur tarifat me shumicë mes operatorëve dhe ka ndaluar diferencimin e tarifave për thirrjet brenda dhe jashtë rrjetit. Këto masa kanë nxitur konkurrencën dhe kanë ulur ndjeshëm shpenzimet mesatare të shqiptarëve për komunikimin celular.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here