Një 43-vjeçar shqiptar ka humbur jetën në Itali. Ngjarja ndodhi në në Fossano, ku shqiptari me inicialet G. R., ka humbur jetën ndërsa ishte duke punuar në ish-uzinën “Radici” në rrugën “Vëllezërit Cairoli” në Cremona.
Shkaqet e këtij aksidenti në punë që i mori jetën shqiptarit janë ende të paqarta, por sipas hetimeve të para dyshohet se 43-vjeçari u shtyp aksidentalisht nga një pirun, i cili drejtohej nga kolegu i tij.
Mediat italiane shkruajnë se shqiptari ishte duke punuar rikonstruksionin e një ndërmarrje tekstili në momentin kur ndodhi ngjarja. Ekipet e shpëtimit mbërritën menjëherë, por nuk arritën të mbajnë të gjallë 43-vjeçarin.
Për arsyet e ngjarjes po vijojnë hetimet, por pista kryesore është ajo e shtypjes nga piruni.