Gjykata e Tiranës rrëzon si të paargumentuar kërkesën e Prokurorisë së Tiranës për të sekuestruar formularët elektronikë të deklarimit të pasurisë të zyrtarëve të shtetit.
Hetimin me iniciativë të vetë kreut të Prokurorisë, Adriatik Llalla, Gjykata e ka quajtur si të pambështetur me prova dhe nisur nga kjo situatë ka vendosur të hedhë poshtë 6 vendimet e organit të akuzës, e cila kërkoi sekuestrimin e regjistrave elektronikë.
Rrëzimi i vendimeve të Prokurorisë së Tiranës për sekuestrimin e deklaratave të pasurisë në ILDKPI ka ardhur pak ditë pas kërkesës së juristëve të këtij Inspektoriati, të cilët i kërkuan gjykatës së shfuqizonte vendimet e sekuestrimit të Prokurorisë.
Gjykata ndërkohë ka lënë në fuqi vetëm vendimet e sekuestros për rastin e dy deputetëve dhe një ish-deputeti.
ILDKPI i kërkoi Gjykatës heqjen e masës së sekuetsros për 6 vendimet e Prokurorisë, të cilat konsiderohen si të paargumentuara dhe të mbështetura me qëllime jo të ligjshme.
