Natalia Castellar nga Puerto Riko, ishte rritur me tallje shkaku i vetullave të gjera, por gjërat kanë ndryshuar.
Vajza 17-vjeçare, tani ka kontratë modelimi, pikërisht shkaku i kësaj pjese të veçantë të fytyrës, transmeton Telegrafi.
Vetullat e trasha dhe të shpeshta, kanë bërë që ajo t’ju bie në sy përzgjedhësve të ‘NEXT Models’, që e kanë bërë pjesë të tyre.
“I kam urryer dhe kam dashur t’i heqë, sepse të gjithë më tallnin, por gjërat ndryshuan. Mezi pres që të punoj dhe të udhëtoj, më pëlqen angazhimi që do të bëj”, ka thënë ajo për medie.
Në fakt, Castellar merr ende ofendime për vetullat e dendura, por i injoron dhe vazhdon tutje.
