Forcat ruse dhe ato siriane kanë vendosur sot një armëpushim 10 orësh në Alepo, i cili ka nisur në orën 9 të mëngjesit dhe do të përfundojë në orën 19:00 duke iu referuar asaj lokale, teksa e kanë cilësuar këtë veprim si shansin e fundit që u jepet rebelëve për t’u larguar të padëmtuar nga ky rajon.
Për të mundësuar diçka të tillë, ushtria e Rusisë ka vendosur në dispozicion 8 korridore, prej të cilëve dy mund të përdoren nga rebelët ndërkohë që gjashtë të tjerët janë në funksion të qytetarëve.
Megjithatë, grupimet e armatosura që kudnërshtojnë qeverinë e Presidentit Bashar al-Assad janë shprehur se nuk kanë ndërmend që të dorëzohen apo të largohen nga Alepo. Ekspertët ushtarakë kanë paralajëmruar se ky do të jetë mundësia e fundit që u jepet rebelëve, pasi ushtria ruse po përgatitet që të kryejë një tjetër ofensivë.
Kjo situatë ka qënë vazhdimisht shqetësuese për OKB-në por edhe për organizatat e tjera humanitare, pasi në Alepo po qëndrojnë aktualisht 250.00 civilë. Këta banorë kanë jetuar për vite me rradhë në kushte ekstreme, me rezerva të pakta uji, ushqimesh dhe medikamentesh.
