Ditën e djeshme në Kuvendin e Shqipërisë, u diskutuan shumë projektligje të rëndësishme. Debatet ishin shumë të ndezura pasi deputetët diskutuan edhe për çështje të tjera. Ajo që ra në sy ishte edhe mungesa e deputetëve dhe ministrave të Lëvizjes Socialiste për Integrim. Në momentin që ministrat dhe deputetët e LSI nuk ishin në sallë, fjalën e kishte kryeministri Edi Rama, i cili ligjëroi shumë gjatë duke thyer edhe rekordet që kishte regjistruar. Mungesa e deputeteve të LSI ndoshta mund të jetë një rastësi por edhe jo e tillë. Koalicioni ditët e fundit ka pasur disa debate dhe kjo situatë mund të jetë një reagim në heshtje e LSI, kundër kryeministrit. Largimi i LSI për njëherësh nga salla, tregon që koalicioni nuk është më në të njëjtën temperaturë. Kjo mund të jetë edhe hatër mbetje për ligjin e fundi të mbetjeve, pasi LSI nuk ka deklaruar se do të mbështes këtë ligj përsëri nëse nuk merren parasysh mendimet e qytetarëve.
