Lorik Cana, ish-kapiteni i kombëtares kuqezi, i cili ka shkruar historinë me fanellën kuqezi, tashmë ka bërë një tjetër gjest për t’u mbajtur mend. Cana ka udhëtuar drejt Krujës, saktësisht Kalasë së Krujës, aty ku ka bërë vizitën e tij në Muzeun Historik dhe Etnografik.
Përpos vizitës, ai ka shkruar edhe një letër për pjesëmarrjen e tij në këtë vend të veçantë të të gjithë shqiptarëve, ndërsa ka postuar në “instagram” ku është shprehur:
“Një falenderim të veçantë për Muzeun Historik dhe Etnografik të Krujës për vizitën dhe mikpritjen”. Vizitën e tij e ka pasqyruar edhe vetë Muzeu Historik Etnografik i Krujës, duke e cilësuar si kapiten të përjetshëm të kombëtares.