Ka mbërritur në aeroportin e Malpensa në Milano, ekstraduar nga Athina, shqiptari Vasil Rama, 36 vjeç, i akuzuar si anëtar i bandës së “audit të verdhë” e specializuar në grabitje të dhunshme vilash e banesash në veri lindje të Italisë.
Sipas policisë italiane Vasil Rama drejtonte automjetin tip Audi RS4 me targë zvicerane e në ngjyrë të verdhë që në janar të 2016 mundi t’i shpëtojë ndjekjes së forcave të rendit duke udhëtuar me shpejtësi 250 km në orë, në drejtim të kundërt në autostradë e duke vënë në rrezik jetën e mjaft udhëtarëve.
Vasil Rama u arrestua në fillim të muajit shtator në Greqi.