Wikileaks: Milloshoski bëri trysni ndaj ambasadores amerikane dhe atij të BE-së në vitin 2008

0
171

Dje dhe sot, Wikileaks ka publikuar dy dokumente të cilat shpalosin detaje të reja të periudhës 2008-2008 të qeverisjes OBRM-PDUKM – BDI dhe të dhunës në zgjedhjet e vitit 2008.
Në dokumentin e djeshëm u shpalos e vërteta se në vitin 2008, ka patur marrëveshje në mes të Ali Ahmetit dhe Nikolla Gruevskit, i quajtur si ”Marrëveshja e Majit”, përmes së cilës është dashur që të votohet ligji për gjuhën shqipe dhe ligji për ish-pjestarët e UÇK-së.

Ndërkaq, në dokumentin e publikuar sot nga Wikileaks, përmendet trysnia e ministrit të atëhershëm të jashtëm, Antonio Milloshoski, mbi ODIHR-in, përmes ambasadores amerikane në Shkup, Gillian Milovanovic.

Ai ka kërkuar nga ambasadorja Milovanovic që të ndikojë mbi ODIHR-i në lidhje me zgjedhjet, duke i sugjeruar që raporti të përfshijë qëndrimin pozitiv të partisë së tij. Megjithatë, pakëndshëm e befasuar, ambasadorja i është përgjigjur se nuk ka ndikim mbi raportet e pavarura të ODIHR-it, duke ia bërë të ditur se nuk do ta bënte një gjë të tillë, edhe nëse do ta kishte atë mundësi.
Tv Nova bën të ditur se në këtë dokument është përfshirë edhe kërkesa tjetër e ministrit të atëhershëm të jashtëm Antonio Milloshoski, dërguar përfaqësuesit të atëhershëm të BE-së në Shkup. Kërkesa ka qenë e ngjashme dhe se e njëjta është refuzuar gjithashtu.

Ambasadorja amerikane ka komentuar kërkesën e Milloshoskit, duke thënë se kjo ka qenë hera e parë që Qeveria e Maqedonisë të tentojë të ndikojë mbi raportin e ODIHR-it.

Web Agency, Digital Agency, Web Development Agency