Zarkozi në gjyq për abuzime me fondet

0

Zyra e Prokurorit francez ka rekomanduar që ish-presidenti Nicolas Sarkozy të përballet me gjyqin për abuzime me fondet gjatë fushtës elektorale të zgjedhjeve presidenciale të vitit 2012.

Loading...

Deklarata pason një hetim të gjatë mbi akuzat  se partia e asaj kohe e Sarkozisë, UMP,  ka falsifikuar  llogaritë me qëllim fshehjen e 18 milionë eurove shpenzime gjatë 2012.

Sarkozi humbi garën presidenciale të atij viti përballë rivalit Francois Hollande, por shpreson që të kandidojë sërish në zgjedhjet e vitit të ardhshëm.

Sa u përket akuzave vetë Sarkozi është mbrojtur duke thënë se me fondet e fushatës merren vartësit e tij.

Rekomandimi i bërë nga prokuroria e  Parisit nuk është definitive, teksa një trupë gjyqësore duhet të marrë një vendim përfundimtar nëse Sarkozi duhet të dalë apo jo në gjyq.

Por prokurori i Parisit argumenton se si kandidat, Sarkozy ka qenë në fund të fundit përgjegjës për fushatën e tij  dhe në çdo rast ka gjithashtu prova të konsiderueshme se ai ishte paralajmëruar në kohë mbi rrezikun e kalimit të limiteve të shpenzimeve.

Të gjitha këto akuza dhe probleme ligjire janë hijet e errëta që rëndojnë mbi shpresat  e ish presidentit Sarkozi për tu rikthyer sërish në krye të pallatit elize.

Çështja kompromentuese njihet si skandali i Bygmalion.

Në qëndër është partia e Nicolas Sarkozi që aso kohe njihej me emrin UMP e cila akuzohet se në bashkëpunim me kompaninë PR ka fshehur kostot e fushatës elektorale të vitit 2012.

Shteti francez ka caktuar kufij në lidhje me shpenzimet e fushatave dhe dyshohet se firma Bygmailon ka derdhur të ardhura drejtpërdrejt në llogarinë e Sarkozisë duke i dhënë mundësinë që të shpenzojë më shumë se sa limiti i caktuar për fushatën e tij.

Disa prej pjestarëve të partisë UMP janë zyrtarisht nën akuzë, megjithëse ish presidenti Sarkozi ka deklaruar se nuk ka qënë në dijeni të  shpenzimit të paligjshëm të partisë së tij.

/Oranews.tv/

Loading...

Lini nje pergjigje