Deputetja e PD-së, Albina Deda ka postuar një video në “Facebook” ku tregon momentet e ndalimit të saj nga ana e Policisë Rrugore në Lezhë. Në video dëgjohet biseda me efektivin e Policisë Rrugore. Ajo ishte e shoqëruar me bashkëshortin e saj dhe fëmijën në automjet. Videoja nuk e shfaq të gjithë bisedën, por dëgjohet momenti kur deputetja i kthehet policit rrugor: “Shko e mblidh hashashin, kaq po të them”. Ndërkohë, më herët ajo dhe bashkëshorti i kanë thënë policit se ndalimi i tyre ishte një turp. Nga ana tjetër, deputetja e PDsë pretendon se është ndaluar për 30 minuta, pasi po lëvizte pas një eskorte. Ajo madje sulmon policin rrugor duke thënë se kishte marrë urdhra nga lart për ta ndaluar.
https://www.facebook.com/albina.deda.376/videos/vb.100005680024590/496821550517175/?type=2&theater
