Avokati i Popullit, Igli Totozani, shpreh keqardhjen më të thellë për humbjen e jetëve njerëzore gjatë përmbytjeve që goditën shtetin fqinj, FYROM.
Totozani shpreh ngushëllimet më të ndjera për familjarët e viktimave, si dhe për të gjithë familjet e prekura nga kjo fatkeqësi natyrore.
Avokati i Popullit të Shqipërisë shpreh solidaritetin maksimal në këto ditë të vështira për fqinjët tanë duke theksuar se “të gjithë duhet të jemi bashkë në këtë dhimbje të madhe”.