Faith May është me të vërtetë një luftëtare e vogël. Vogëlushja ju nënshtrua një ndërhyrje delikate për të hequr një tumor në tru.
Tumori shtypte nervin optik dhe po i shkatërronte hipofizën. Siç raporton “Huffington Post”, për të përballuar operacionin, mjekët u detyruan rruanin një pjesë të flokëve të vogëlushes, dhe kjo gjë e trishtoi shumë atë.
Por nëna e saj, Jamie Dawn Beckstead, vendosi që të rruajë flokët e saj në të njëjtën mënyrë si e bija.
“Në këtë mënyrë nuk ndihet vetëm dhe as ndryshe. Dashuria është ajo që ka rëndësi”, shkroi gruaja në foton e publikuar në profilin e saj në Facebook.
Në pak kohë fotografia mori mbi 18 mijë pëlqime dhe u shpërnda rreth një mijë herë.
