“Deti fantastik, peizazhet natyrale, tërheqëse dhe të mrekullueshme, fshatrat antikë të pasur në kulturë dhe ushqimi i mirë”, janë faktorët e renditur nga shoqata dhe revista “National Geographic”, në vlerësimin e rajonit të Puljas si destinacionin më të mirë në botë.
Rajoni i Italisë jugore ka fituar çmimin e “National Geographic” si “destinacioni më i mirë për të udhëtuar në botë”.
Por i njëjti vlerësim vjen edhe nga gazeta amerikane “The New York Times” dhe guida më e madhe botërore e turizmit, “Lonely Planet”.
“Mund të shijohen disa verëra të cilësisë së lartë dhe aspak të kushtueshme, në një rajon që mban vendin e tretë për prodhimin e verërave dhe 30 varieteteve cilësore të ndryshme të rrushit”, thuhet në vlerësimet për Puljan.