Leslie Mills është një vajzë 26-vjeçare amerikane, e cila është tërbuar dhe ka dalë nga kontrolli pasi i dashuri e ka refuzuar.
Vajza me origjinë nga Florida ndoqi të dashurin deri në tualet, ku ai u strehua për shkak të inatit dhe acarimit të së shoqes. Mirëpo ajo nuk u ndal me kaq dhe rrëmbeu sopatën, shkatërroi derën dhe nisi të rrihte bashkëshortin.
Siç raportohet në Daily Mail, gruaja ishte kthyer në mbrëmje vonë në shtëpi, pas një darke plot alkool me mikeshat e saj. Sapo ka hyrë në dhomën e gjumit gruaja i ka kërkuar të dashurit të bënin seks, ndërsa ai, duke qenë në gjumë e ka refuzuar.
Ka qenë pikërisht refuzimi nga ana e burrit ajo që ka nxitur edhe më tej inatin e gruas dhe e ka bërë atë që të dhunojë partnerin duke e rrahur me grushte. Pas një lufte të gjatë trup më trup, i dashuri arriti të shpëtonte dhe të denonconte në polici Leslie-n. Tani ajo është e arrestuar.
