Standard.al

Ngjarja në Francë, shqiptarja: Pamë skena lufte, trupa të prerë grash shtatzënash dhe fëmijësh kudo

0

Të gjitha mediat sot, shqiptare dhe ndërkombëtare janë  fokusuar tek ngjarja në Francë, ku më shumë se 84 persona kanë humbur jetën, ndërsa mbi 100 kanë mbetur të palgosur rëndë. Midis tyre ka edhe shqiptarë, njëra prej tyre e quajtur Liljana Berberi ka thënë se çfarë po ndodh në këto momente atje.

Ajo thotë se kishte dalë së bashku me familjen dhe miqtë e saj për të festuar ditën Kombëtare të Francës duke parë fishekzjarrët dhe më pas dëgjuan ulërima dhe sirenat e policisë.

“Situata në Nicë është shumë, shumë e keqe. Ishim bashkë me burrin tim dhe me miqtë tanë të dashur nga Strasburgu duke i parë fishekzjarrët. Po kalonim shumë, shumë bukur. Në momentin sa mbaruan fishekzjarrët, bëmë 50 metra duke dëgjuar muzikë e duke kërcyer të katërt dhe në atë moment burri im shikon një makinë policie edhe thotë ‘çfarë kanë këta policët që bëjnë kështu në mes të njerëzve me makinë?’ dhe në të njëjtën kohë i them që janë me antiplumb që po vrapojnë, diçka po ndodhë. Liljana Berberi:Në vendin që ne ishim, dëgjuam të shtëna automatiku dhe nuk dinim nga të iknim, zbritëm poshtë te plazhi, njerëzit vraponin nga të gjitha anët, gra shtatzënë, fëmijë, trupa të prerë, zorrët jashtë. Kamioni ishte nga ata 18 tonësh dhe i mori të gjithë, të rinjtë me motor, skena lufte. Kisha mikeshën shtatzënë 5­muajshe dhe nuk dinim nga të shkonim. Liljana Berberi:Në këto momente unë që ju flas juve kemi sapo kemi hyrë në shtëpi me burrin ndërsa goca 19­ vjeçare është e bllokuar në Hotel “Plaza”, jo larg nga vendngjarja. Ishin duke pirë me shoqëri e vet një gotë dhe janë të bllokuar, nuk i lejojnë të dalin. Janë të mbushura hotelet dhe restorantet, nuk i lejnë të dalin. Është gjendje paniku dhe ka ambulanca pafund”, është shprehur Liljana.

 

 

Leave A Reply

Your email address will not be published.

This site uses Akismet to reduce spam. Learn how your comment data is processed.