Mëngjesin e kësaj të marte rreth 500 punonjës të baypassit në Fier të Levanit kanë protestuar pasi ata ende nuk kanë marrë rrogat prej disa muajsh.
Megjithatë ka nga ata punëtorë të cilët nuk e kanë marrë rrogën që prej një viti.
Puntorët pohojnë se kanë kërkuar takim me shoqërinë “Serenissma” italiane por përgjigjia e tyre është se lekët janë marrë prej shoqërise shqiptare CAE.
Kjo e fundit duhet t’u jepte rrogat punonjësve të saj që punojnë tek bypassi .
Gjithashtu, punëtorët u shprehën se fajin e ka shteti që nuk ndërhyn së bashku me prokurorinë për të zgjidhur këtë situatë. Ata thanë se do të ketë përshkallëzime të protestave.