Prokuroria e Tiranës ka përfunduar hetimet për vrasjen e 39-vjeçarit Arenc Liço mbrëmjen e 21 shkurtit në një lokal bastesh në zonën e Shkozës në Tiranë, dhe ka dërguar në gjyq si të pandehur autorin e dyshuar, të vënë në pranga, Ergest Zhupani 28 vjeç.
Sipas organit të akuzës, shkak për sherrin mes të rinjve është bërë fakti që Liço nuk e kishte ftuar në ditëlindjen shokun e tij.
Ata kanë qenë të dy në një lokal që e frekuentonin shpesh për të parë ndeshjet e futbollit, por aty kanë nisur të debatojnë e ofendohen me njëri tjetrin ndërsa konsumonin edhe pije alkoolike.
Në sherr e sipër, 39-vjeçari e qëlloi dy herë me thikë shokun e tij i cili ndërroi jetë në spital.