Tre persona janë plagosur pasditen e sotme, si pasojë e një aksidenti në aksin rrugor Fushë Krujë-Vorë. Burime nga policia bëjnë të ditur se aksidenti ka ndodhur në afërsi të urës së Gjoles, ku dy automjete janë përplasur me njëra-tjetrën. Momentalisht nuk behet i ditur identiteti i të plagosurve, të cilët u dërguan menjëherë në spital. Ndërkohë ekspertë të policisë kanë mbërritur në vendin e ngjarjes dhe po punojnë për të zbardhur shkaqet e aksidentit