Një aksident rrugor u regjistrua rreth orës 17:00 të pasdites së sotme në vendin e quajtur “Miniera e Kripës”, pjesë e aksit rrugor Sarandë-Gjirokastër.
Sipas policisë lokale, një automjet tip “Toyota-Korona” ka dalë nga rruga duke u përplasur në pjesën anësore të saj.
Për pasojë, është dëmtuar rëndë drejtuesi i mjetit, shtetasi Gj.H., 26 vjeç, banues në lagjen nr.4 Sarandë.
I dëmtuari është dërguar menjëherë në Spitalin e Sarandës, por për shkak të dëmtimeve të rënda të marra në trup është nisur me helikopter drejt Spitalit të Traumës Tiranë, për mjekim më të specializuar.