Një 39vjeçar ka arritur t’i shpëtojë një atentati ndaj tij në qytetin e Vlorës, duke mbetur i plagosur në hyrje të pallatit ku jeton. Ngjarja ka ndodhur mbrëmjen e sotme në lagjen “Pavarësia” të qytetin bregdetar. Mësohet se ndaj tij është qëlluar me armë silenciator dhe pistoletë, nga dy persona ende të paidentifikuar. I plagosuri Armando Sulejmani është dërguar në spitalin e Vlorës për të marrë ndihmën mjekësore, ndërsa policia e mbërritur në vendngjarje ka nisur hetimet për zbardhjen e ngjarjes, si dhe identifikimin dhe kapjen e autorëve. Shtetasi ndaj të cilit u bë edh atentati mësohet se kishte dale nga burgu pak kohë më parë. Qytetarë nga Vlora telefonuan në “News24” për të dhënë informacion për ngjarjen, ndërsa vijnë edhe pamje nga vendngjarja.