Një 47-vjeçar nga Mallakastra është arrestuar nga Policia e Fierit pasi u kap me një sasi droge në formë çokollate.
“Në kuadër të operacionit të koduar “Destinacioni” , u bë dokumentimi i veprës penale të “Trafikimit të veprave të artit dhe kulturës ” , “Prodhim dhe mbajtja pa leje e armëve luftarake dhe e municionit”, “Prodhimi dhe shitja e lëndve narkotike” në ngarkim të shtetasit Ilir Shehaj, 47 vjeç, banues në Mallakastër, arrestuar sot nga Policia e Tiranës në kuadër të operacionit “MIKS”, pasi u kap me lëndë narkotike të dyshuar “Cannabis Sattiva”, në formë çokollate”, informon policia e Fierit.
Këtij shtetasi i janë gjetur dhe sekuestruar në cilësinë e provës materiale:
Dy pistoleta me mulli (relike )
Një karikator i cili i përket automatikut AK-47
Dy krehëra pistolete model 54 (TT)
Dymbëdhjetë krehëra të cilët i perkasin pushkës karabine me 42 fishekë. 5. Dyqind e gjashtë fishekë të cilët i perkasin pistoletës model 54 (TT)
Një sasi prej 15 gr lëndë narkotike e dyshuar Cannabis Sativa.
Materialet do t’i referohen Prokurorisë së Rrethit Gjyqësor Fier për veprat penale “Trafikimi i veprave të artit dhe kulturës” , “Prodhimi dhe mbajtja pa leje e armëve luftarake dhe municionit” , “Prodhimi dhe shitja e lëndëve narkotike” të parashikuar nga Nenet 138/a 278 dhe 283 të Kodit Penal.