Standard.al

Sekuestrohen llogaritë bankare të Rezart Tacit

0

Policia e Shtetit ka ekzekutuar urdhërin e Gjykatës duke vendosur nën sekuestro llogaritë bankare të biznesmenit, Rezart Taçi.

Strukturat e specializuara kundër krimit financiar në Policinë e Shtetit në bashkëpunim me Sektorin Kundër Pastrimit të Parave dhe Seksionin përkatës në Drejtorinë Vendore të Policisë së Qarkut Tiranë kanë vënë nën sekuestro llogaritë bankare të shtetasit Rezart Taçi, pas vendimit të Gjykatës së Shkallës së Parë, Tiranë.

Në bazë të këtij vendimi, po kryhen veprime procedurale hetimore në 16 banka të nivelit të dytë dhe janë sekuestruar tashmë 1.3 milionë dollarë.

Akuza ndaj Taçit është “Pastrim të produkteve të veprës penale dhe veprimtarisë kriminale” dhe hetimet janë shtrirë edhe në lidhjet e tij shoqërore e familjarëve të përfshirë në këtë aktivitet.

Edhe në vitin 2014, Rezart Taçi ka qenë i proceduar penalisht nga Drejtoria për Hetimin e Krimit financiar në Policinë e Shtetit nën akuzat për “Fshehje te ardhurash, mospagim taksash, falsifikim dokumentesh dhe mashtrim”.

Në kuadër të këtij procedimi, detyrimet tatimore ndaj shtetit dhe kompanive të tjera llogariten në mbi 14 milionë euro.klan

Leave A Reply

Your email address will not be published.

This site uses Akismet to reduce spam. Learn how your comment data is processed.